FERNANDO BUYSER

                Makugihong magsusulat sa pinulongang bisaya.  Kaha ang labing makugihon ug mabungahon sa ngatanan.  Akasulat daghan ug nagkalainlaing mga basahon sa sugilanon, balak, dula, leyeuda ug ubp.  Nakadungandungan ni Vicente Sotto, Vicete Ranudo, Uldarico Alviola, Escolastico Morre, Jua Villagonzalo ug Tomas Baguio sa pagsulat sa atog pinulongan, gikan sa unang mga tuig sa ANG SUGA.  Ang kadasig ni Obispo Buyser sa pagsulat, nagapadayong mainiton hangtud karon.  Hapit sa tanang isip sa BISAYA ug PILIPINHON mabasa nato ang mga balak, sugilanon kun leyeuda ni Mons. Buyser, nga tiniman-an ang uban sa iyang ngalan ug ang uban sa takubang Floripinas.

                Kung ang mga magsusulat nato nagbaton pa sa kadasig ug kamakanunayon ni Mons. Buyser sa pagsulat, ang atong katitikan dato na unta uyamut ug ikapagarbo ta sa kalibutan.

                Ang mga basahon nga hangtud karon nangapatik ni Obispo Buyser mao kining mosunod: KASAKIT UG KALIPAY, KASINGKASING SA MAGBABALAK, MGA AWIT SA KABUKIRAN, HARING GANGIS UG HARING LEON, RITUAL SA SIMBAHANG PILIPINHON, ANG KALASAG, ANG KALIPAY, GUMARANG AGLIPAYANO, UNSA BAY INFIERNO?, ANG BANWAG, LUCIA, ANG LAA SA BUGAY, ANG SINAKIT SA AWTO, BAYLI OFICIAL, SI KRISTO GIKAWAT, DUNGOG UG KAMATAYON USA KA GABIING PILIPINHON, MGA DAMGO SA USA KA PARI, MGA SUGILANONG PILIPINHON, ANG PANIMALOS SA USA KA ASWANG, ANG BULAWAN UG ANG BRILLANTE, MGA SUGILANONG KARAAN, ANG GUGMA UG KALOOY, ANG KAHAYAG, ANHELIKA, MATAHUM HANDUMANAN SA KANDIHAY UBP. UBP.

(Tipik sa sinulat ni Hal. Nicolas Rafols nga nahamantala sa mantalaang PILIPINHON sa Manila sa Nob. 1939, Panid 37, ubus sa uluhan nga “Ang Unang Katloan Ka Mga Magsusulat Sa Pinulongang Bisaya”)

SOURCE:

Buyser, Fernando Aquino (1941). Fernando Buyser. BALANGAW: Pungpong Sa Mga Balak ni FLORIPINAS (pp. 265-266). Siyudad sa Sugbu.